【泰國菜推介2026】本地10間泰國菜餐廳 米芝蓮推介/泰式Fine Dining/七彩芒果糯米飯 | U Food

泰國菜推介2026｜九龍區泰國菜推介

1. 新泰東南亞餐廳

多人聚餐想食到正宗泰國菜，推薦各位帶同老best去「新泰東南亞餐廳」傾餐飽！餐廳喺香港經營咗20多年，由全泰國廚師班底主理，灣仔、尖沙咀、 啟德皆有分店，總有一間喺您附近！餐廳裝修華麗，勁適合打卡！社群U Creator推介招牌「麵包焗咖哩軟殼蟹」，大大隻咬落咖哩味香濃又鬆脆。不過餐廳長期滿座，想食就記得要提早book位啦！

📍地址：啟德雙子匯1期崇光啟德店食匯堂14樓1404-1405號舖

> “jollysally❤️” 分享更多新泰東南亞餐廳必點菜式<

2. Siaw「友」

泰菜控注意！由前米芝蓮泰菜餐廳Samsen及泰牌檔大廚聯同泰籍朋友主理嘅餐廳「Siaw」大家又朝聖咗未呢！新開業冇耐已經大排長龍，招牌菜式主打全手工製作，必食曼谷街頭經典小食泰式椰子煎餅、鑊氣十足醉貓虎蝦炒河！分享俾身邊嘅泰菜迷朋友，下次聚餐一齊去食啦！

📍地址：尖沙咀赫德道8號地舖

> “_johnnyccccc_” 分享更多Siaw菜式打卡相及食評<

3. 泰公館Phaya Asura

泰國菜食就食得多，泰式Fine Dining又有冇食過呢！位於啟德嘅「泰公館Phaya Asura」主打用泰國直送新鮮食材同特製香料，廚師全部都係泰國人，每日為客人以正宗又創新嘅手法炮製出精緻私房菜式。餐廳鄰近海濱，配上木系裝修及本地藝術家繪製嘅壁畫，令用餐氛圍更昇華，慶生或者大日子不妨去食呢間泰式Fine Dining過下癮！

📍地址：啟德承啟道38號美食海灣

> “Foodasouly” 分享海景泰式Fine Dining體驗<

4. Mue Mue HK

另一間高檔泰式Fusion菜餐廳「Mue Mue HK」亦都好適合聚餐慶生活動！餐廳分為室內同室外區域， 同時都係一間酒吧。最多人推介嘅招牌火焰骨一定要提前預約，另外原個椰子烹調嘅「泰式椰子鮮雞湯」都係必點之一！味道高質加上環境優美，超適合打卡！

📍地址：尖沙咀彌敦道132號美麗華廣場一期3樓302號舖

> “msfoodloverr” 分享美麗華高水準泰式Fusion菜餐廳食評<

5. 金泰子泰國餐廳

位於太子嘅「金泰子」分為甜品店同餐廳兩間店面。由泰國大廚主理，令大家唔使飛泰國都食到正宗泰國街頭甜品及美食。招牌甜品必食全港獨家「七色芒果糯米飯」，口感煙靭而且打卡able。另外小編大推餐廳「冬蔭功海鮮媽媽麵鍋」，湯底香濃且酸辣度適中，足料又開胃！

📍地址：太子柏樹街20-21號地舖

> “grassrootseaters草根姐妹” 分享金泰子甜品店及餐廳必點之選<

泰國菜推介2026｜港島區泰國菜推介

6. Soi 29

尖沙咀其中一間必食人氣泰國菜，必屬「Soi.29」！尖沙咀同灣仔都有分店，餐廳裝修如置身於「泰國大排檔」中，由泰國人主理，菜式主打泰式鑊氣小炒。招牌炒金邊粉、冬陰功湯、串燒都係必點，社群U Creator大讚串燒醬汁夠惹味，值得encore！兩間分店都係坐無虛席，而且長期排隊，想食嘅您記得要預早時間去啦！

📍地址：尖沙咀寶勒巷29寶昌商業大廈地舖

> “foodie.yvonne” 分享人龍餐廳Soi 29食評<

7. Milu Thai

銅鑼灣都食到高性價比又正宗嘅泰國菜！位於銅鑼灣百樂中心嘅「Milu Thai」於尖沙咀都有分店，由泰國籍廚師團隊製作，主打泰國街道塗鴉風裝修及以創新擺盤方式呈現出泰式傳統風味。社群U Creator大力推介原隻菠蘿海鮮炒飯及海鮮媽媽麵，全部菜式都超足料又惹味！
 
📍地址：銅鑼灣耀華街3號百樂中心2樓

> “Carmen Chu” 分享銅鑼灣人氣泰國菜餐廳食評<

8. Samsen 泰麵

鍾意食泰菜嘅您冇可能冇聽過呢間「Samsen泰麵」！上面提到嘅Siaw餐廳主理人都曾經擔任Samsen主廚，而且連續多年獲得米芝蓮推介餐廳，因此吸引到唔少本地人同外國人前來朝聖。社群U Creator推介必食泰式虎蝦炒金邊粉，足料而且口感煙煙韌，值得大家一試！

📍地址：香港灣仔石水渠街68號/上環蘇杭街23號地舖

> “Bilibaeat” 分享Samsen灣仔店食評<

9. Baan phadthai

連續6年米芝蓮推介嘅泰國菜餐廳「Baan phadthai」位於太古城中心，由30年經驗泰廚主理，採用泰國進口食材及調味料，呈現出最正宗又經典嘅泰國街頭小炒！海鮮控一定要食晚市限定「泰式雜錦海鮮桶」，HK$498就可以食到原隻波士頓龍蝦、虎蝦、鮑魚、魷魚等等，份量約2-3人食用，高性價比首選！

📍地址：鰂魚涌太古城道18號太古城中心 2樓255號舖Carniva

> “冬菇Ting” 拍片分享更多Baan phadthai招牌美食及心得<

泰國菜推介2026｜新界區泰國菜推介

10. Here Thai Market

位於沙田嘅「Here Thai Market」由2位米芝蓮泰菜名廚主理，為食客呈現高性價比又正宗地道嘅泰式料理。裝修以泰國水上市場為主題，度假氛圍感拉滿！必食泰式海南雞飯，雞肉厚身又嫩滑。餐廳亦引進著名泰國本土古法咖啡品牌Lung ngen Coffee，泰菜控一定唔會失望！

📍地址：沙田正街18-19號新城市廣場3期2樓A216號舖

>等 “cincin_piggy” 開箱沙田商場高性價比泰菜餐廳<

延伸閱讀

【招親子KOL】親子合作配對計畫 l 優先參加合作試用！
立即登記➡️ https://ulapp.hk/dx1il 

🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。

圖片來源：IG帳戶@baanphadthai.hk、@samsenhk、社群U Creator @jollysally❤️、@_johnnyccccc_ 、@Foodasouly、@msfoodloverr、、@grassrootseaters草根姐妹、@Lengent、@HellosssNoey、@foodie.yvonne 、@Carmen Chu、@Bilibaeat、@852sikmehho、@冬菇Ting、@cincin_piggy、@heaheafooddiary

#ULifestyle應用程式 #ULifestyleApp #社群 #ULifestyle  #泰國菜 #泰菜 #泰國料理 #美食 #沙田美食 #尖沙咀美食 #灣仔美食 #銅鑼灣美食 #太子美食 #深圳 #美食推介 #米芝蓮推介 #米芝蓮 #foodie #finedining