踏入 2026 年，手機攝影大戰又再打響。當大家以為 1 吋 Sensor、幾億像素、AI 算法已經係極限嘅時候，今年攝影旗艦手機仲可以有咩新突破？答案可能就喺一個大家未必聽過，但即將會好常掛喺口邊嘅名詞——LOFIC。今年小米似乎又要喺影像領域再上一層，即將推出嘅 Xiaomi 17 系列，據聞就係要用呢個「LOFIC」技術，重新定義手機攝影天花板。到底 LOFIC 係咩？點解咁勁？對我哋平時影相又有咩實際影響？版主同大家先睹為快！
咩係 LOFIC？點解今年旗艦「必不可少」？
大家平時用手機影相，最怕遇到咩場景？一定係大光比環境！例如烈日當空嘅逆光人像，或者夜晚充滿霓虹燈嘅街景。傳統 Sensor 面對呢啲情況，往往顧此失彼：想影清暗位，光位就爆晒；想壓住高光，暗位就黑成一嚿。HDR 算法雖然幫到手，但有時都會出現不自然嘅痕跡。
而 LOFIC (Lateral Overflow Integration Capacitor) 技術，就係為咗完美解決呢個「高動態範圍」難題而生。簡單來講，佢好似喺 Sensor 每個像素旁邊加多咗個「大水桶」去裝載光線信息。當光線太強，原本個像素裝唔落嘅時候，多出嚟嘅光電荷就會溢出流去呢個「大水桶」度儲起嚟，而唔係直接流失（爆光）。
一句講晒：LOFIC 可以令手機影出來嘅相，高光唔爆，暗位有細節，動態範圍前所未有咁闊！
暫時唯一！Xiaomi 17 Ultra 獨佔 LOFIC 黑科技
講咗咁耐理論，重點係咩？環顧今年咁多部已經或者即將發佈嘅主打攝影嘅旗艦機，Xiaomi 17 Ultra 係今年暫時唯一一部配備 LOFIC 技術嘅機皇！
呢一點真係非常誇張，代表小米為咗追求極致影像，不惜工本用上最新、最難調校嘅技術。對於真正鍾意影相、對畫質有要求嘅朋友來講，有 LOFIC 加持嘅 Xiaomi 17 Ultra，吸引力絕對係幾何級數上升。
樣張演示：LOFIC 威力初現
講多無謂，睇相最實際。雖然真機版主都仲未揸上手，但官方已經釋出咗一啲利用 LOFIC 技術拍攝嘅樣張。大家可以重點留意下相片入面，由最光到最暗嘅過渡係幾咁自然，細節保留得幾咁豐富，完全冇以前手機影 HDR 個種「生硬」感。
男神加持！吳彥祖型爆代言，香港 3 月頭見！
除咗硬核黑科技，今年 Xiaomi 17 系列仲有一個超級大驚喜，就係請嚟咗男神 吳彥祖 做代言人！又有顏值又有實力，個 Image 真係同部機絕配。
至於大家最關心嘅發售消息，Xiaomi 17 系列預計會喺 3 月頭正式登陸香港！提前喺官網預約，並於早鳥期買新品，仲會送 $100 超市禮券 (按呢度有預約連結)。想體驗吳彥祖同款、獨家 LOFIC 黑科技嘅攝力有幾勁？記得留意住我哋 eprice.com.hk 之後嘅詳細實測報導啦！
大家對呢部 Xiaomi 17 Ultra 又有咩期待呢？